Annada Ròcaguda : inauguracion de l’exposicion

Sièm contents et se passèt plan, amb d’amics per venir a l’estrena e un brave fum de monde a las animacions. Per començar, grandmercé a totis los qu’an sostengut aquel projècte : la Comuna d’Albi en primièr e sas Dònas presentas, Dòna Marengo adjunta a la cultura e Dòna Hubert, elegida encargada de l’occitan e amiga de longa que nos contèt al micrò sos escambis en occitan amb son pichòt filh, la region Miègjorn Pirenèus, lo Conselh General de Tarn present amb Monsur Gasc encargat per l’Occitan – e en mai anoncèt la seguida per l’aniversari de la « Revista de Tarn » (ne tornarèm parlar) e lo Credit Agricòl… La familha de Ròcaguda nos faguèt tanben l’amistat de sostenir las recèrcas.  D’amics pintres d’Albigés venguèron metre qualques tablèus entre los panèus de l’exposicion. Gaitatz : de jòia, Monsur de Ròcaguda ne tornèt jove gràcias al pincèl de Luça Rodièra.  / Le vernissage s’est très bien passé. Tous ceux qui nous ont soutenus étaient là pour partager l’apéritif, les remerciements et la joie du travail bien fait…. 

Doas animacions seguièron :  Lo talhièr de cant del COR cantèt 14 cançons del « Manescrit 9 », i tornarèm e  la conferencia de Jòrdi Passerat dabans una sala mai que comola acabèt la jornada. / Dans l’après-midi, l‘atelier de Chant interpréta jusqu’aux chansons « coquines » dans le goût du 18° siècle, Jòrdi Passerat parla plus sérieusement du « Romaniste » Rochegude. 

L’exposicion es duberta del 12 al 27 de genièr e lo libre de l’exposicion es en venda al CCOA e tanben dins mai d’un librari de la vila. / Exposition ouverte au public (entrée libre) du 12 au 27 janvier, livre en vente dans Albi (au COR et dans plusieurs points de vente de la ville.

 

Comments are closed.