Agendà del CCOA

La Janada 2022

25 junh 2022 | 16 h 30 min - 23 h 59 min

Saturday 25 June, 16:30

La Janada 2022 - Feu de la Saint-Jean amb Mauresca, BrindAir'Òc, Sonaires d'òc e lo duo Charpentier - Delclaux

La Janada 2022
  • junh 2022
    • Dissabte 25 16 h 30 min - 23 h 59 min

Bèla Sant-Joan s’apròcha ! E òc, dempuèi 1979, lo Centre Cultural Occitan d'Albigés organiza la Janada, una granda fèsta tradicionala de la Sant-Joan, sus la Plaça Santa Ceselha d'Albi.
Tot primièr, es la Ressèga, dança collectiva de tipa farandòla dins las carrièras de la vila segon la costuma anciana del sègle XVI, acompanhada per Sonaires d’Òc tre 16h30. Seguida tre 18h pel balèti dels pichons animat per BrindAir'Òc, e tre 19h, del mercat nocturn per far una pausa repais.
Tornam bolegar a 21h pel grand concèrt de Mauresca, reggae ragga rap en occitan, que s’acabarà a 22h30 per far plaça al cortègi als flambèls dels enfants de las escòlas occitanas e dels cònsols per alucar lo fuòc ! Farem alara la farandòla tot a l’entorn puèi dançarem amb lo duo Charpentier - Delclaux per acabar la serada !

Programa :

16h30 : La Ressèga amb Sonaires d’òc
Passejada dançada dins las carrièras de la vila
Sonaires d'Oc vos prepausa un viatge musical dins los país occitans de l'Albigés, de Roergue, del Lauragués, del Carcin,de la Montanha negre, dels Monts de La Cauna, del Sidòbre, del Menerbés, del Cabardés... Sonaires d' Oc es un ensemble instrumental de Naut Lengadòc aliant lo graile, ancian autbòis dels Monts de La Cauna, la cornamusa, lo pifre e percussions per un repertòri compausat d'aires de tradicion orala e de creacions d'inspiracion occitana.

17h45 : Lo Balèti dels pichons (puèi dels mai grands!)
Amb BrinAir'Òc
Los vents d'Occitània e d'endacòm mai confla la vela d'aquela chorma susprenenta, al son de l'accordeon, bodega, tamborin, graile, flaüta e clarineta. Podètz embarcar, BrindAir'Oc vos menarà al grat dels aires de la musica tradicionala, de farandòlas en passacarrièras, de tors de dança en tors de cants, per un viatge dins la bona umor e la bolèga.

Dès 19 : Mercat Nocturn per una pausa repais

21: Grand concèrt de Mauresca
Venguts de Montpelhièr, lo 7 musicians maridan cants en occitan e en francés dins de composicions dub-ragga-hip hop. Mauresca, es l'istòria d'una còla d’amics qui se va rencontrar a l'universitat Pau Valèri a Montpelhièr a la fin de las annadas 90. Ensemble, van crear un sound-system occitan Mauresca Fracàs Dub.

22h30: Cortègi als flambèls / Cortège aux flambeaux
Per los enfants de las escòlas occitanas e dels cònsols de la vila, per alucar lo fuòc e dançar la farandòla !

23h : Balèti / Bal occitan amb lo Duò Charpentier - Delclaux
Antoine Charpentier, professor al Conservatòri de l'Avairon, a las bodegas occitanas (chabreta lemosina, cabreta, bodega, boha de las Lanas...) e Yannick Delclaux, titulari del DEM, pratica e ensenha l'accordeon dempuèi longtemps, serà a l'accordeon diatonic.

Place Sainte-Cécile

Place Sainte-Cécile 81000