Agendà del CCOA

"Testimoniatges" amb Annie Laus, etc. [Annada Laus]

22 octobre 2022 | 17 h 00 min - 18 h 30 min

Saturday 22 October, 17:00

"Testimoniatges" amb Annia Laus, etc. [Annada Laus]

"Testimoniatges" amb Annie Laus, etc. [Annada Laus]
  • octobre 2022
    • Dissabte 22 17 h 00 min - 18 h 30 min

Fa 20 ans partissiá Cristian Laus, rejunt l’estiu passat per son esposa Janina. Implicats l’un coma l’autra dins la promocion e la difusion de la lenga e de la cultura occitanas, daissèron lor marca dins totes los luòcs ont trabalhèron o s’impliquèron.

Coneissèm l’òbra de Cristian : ensenhaire, lexicograf, romancièr, militant... Nascut a Cessenon dins Erau, fa tot primièr d’estudis de matematicas. Encontrèt l’occitan (e qualques unas de sas grandas figuras ; Joan Bodon, Robèrt Lafont, Pèire Bec, Charles Camprós,..) pendent un estagi d’occitan a Uzès en 1956. Se marida e ven professor a Albi, de fisica puèi d’occitan en seguida. De fial en cordura, foguèt president de l’IEO de Tarn dos còps, s’implica dins la Société des Amis de Jean Boudou, lo collòqui de Naucelle en 1985.  Participa a de revistas, e s’implica a Radio Albigés, al CAOC, al CCOA. Impulsarà la creacion del CREO, que permetrà la dobertura de las primièras escòlas bilingüas a Albi e a Sant Africa e serà present per la creacion d’Òc-bi. Conscient que cal crear d’utisses adaptats a un public novèl, trabalha son sos diccionaris fr–oc e oc–fr. Morís a Albi en 2022

Janina ela tanben es engatjada per l’occitan. A l’encòp, apassionada per la pintura, comença de pintar d'aqüarèlas per son plaser personal. Jamai expausadas dins lor integralitat, las aqüarèlas de Janina Laus an presa la fòrma d’una mòstra vertadièra al Centre Occitan Rochegude dempuèi setembre : païsatges, retraches, luòcs coneguts, … Janina pinta çò que l’enròda, sus plaça o per reproduccion.
Janina Laus es tanben militanta per la lenga e la cultura. S’implica dins lo Centre Cultural Occitan de l’Albigés e dins l’IEO de Tarn. Participa al de talhièrs e a tot un fum d’animacions. 
Tanben, entrepren de revirar de l’occitan al francés dos libres de Cristian : La coa de la cabra e Los uèlhs de l’anhèl. Aquel trabalh remirabla sembla aver contunhat sa filha Annia, que trabalha actualament a la traduccion del libre Garriguenc.

Per nos en parlar melhor d’aquel projècte, es Annia Laus ela-meteissa que nos farà part de son testimoniatge personal lo dissabte 22 d’octobre al Centre Occitan Rochegude a 17h. Parlarà de sa familha, de son vilatge, de çò transmés per sos parents. Evocarem l’engatjament de Cristian, lo trabalh de revirada de Janina e sas pinturas, amb de lecturas de tèxtes e de poèmas. De mond qu’a conegut aquel coble, coma Ramon Ginolhac, portarà un testimoniatge personal.

Centre Occitan Rochegude

28 rue Rochegude 81000

0563462143

Le Centre Occitan Rochegude est le local du Centre Culturel Occitan de l'Albigeois, situé au 28 rue Rochegude à Albi, dans l'aile droite de l'Hôtel Rochegude. C'est à la fois une librairie occitane, une bibliothèque, un centre de ressources et un lieu d'accueil et de partage autour de la langue et de la culture occitanes. Des ateliers et des événements divers se tiennent très régulièrement au COR.