La Mandadissa del dimècres 14 d’abrial

La Mandadissa del dimècres 14 d’abrial

Bonjorn a totas e a totes ! 

Uèi dins la Mandadissa del dimècres, traparetz un reportatge cortet sus la lei Molac, votada aqueste dijòus 8 d’abrial, dins l’Edicion Occitana.

En seguida, poiretz legir un tèxte prepausat per Jòrdi Raffanel, « Cinquanta calucs dins lo traïn ».

E per acabar en musica, escotatz l’«Auròst a la cultura» compausat pel grop Artús!

Aujourd’hui dans la Mandadissa del dimècres, vous retrouverez un court reportage sur la loi Molac, votée ce jeudi 8 avril, dans l’Edicion Occitana.
Ensuite, vous pourrez lire un texte proposé par Jòrdi Rafffanel, « Cinquanta calucs dins lo traïn ».

Et pour terminer en musique, écoutez l’«Auròst a la cultura» composé par le groupe Artús!

Si vous voulez participer à cette Mandadissa, n’hésitez pas à nous envoyer une contribution, un texte, etc, qui sera publié dans la Mandadissa suivante (à envoyer à cette adresse : centre-occitan-rochegude@orange.fr )

Tenètz-vos fier·a·s !

Lo dijòus 8 d’abrial de 2021 foguèt votada la lei Molac, en favor de las lengas dichas regionalas. Es una avançada importanta notadament per l’ensenhament de l’occitan, dempuèi la lei Deixonne de 1951. Per mai de detalhs, agachatz aquel reportatge de l’Edicion Occitana de França 3 :

Le jeudi 8 avril 2021, la loi Molac en faveur des langues dites régionales a été votée. C’est une avancée importante notamment pour l’enseignement de l’occitan, depuis la loi Deixonne de 1951. Pour plus de détails, regardez ce reportage de l’Edicion Occitana sur France 3 :

Cinquanta calucs dins lo traïn

A la fin de l’estiu de 1950 dintrèri a l’Escòla de musica de Canhac. Èra puslèu per tuar lo temps que per far de musica de longa. Lo professor me donèt un metòde VAN DE VELDE e dos còps per setmana me calguèt anar estudiar lo solfegi. Dins tres meses aguèri engolit aquel libret e vist qu’apreniái pro vite, lo mèstre me diguèt : ambe los conflets que as, siás capable de bufar dins una trompeta. Foguèt un autre afar. Al cap d’un an de mai me faguèt dintrar a l’Armonia dels minaires de Canhac. Èri luènh d’èsser « trompette solo », mas fasiái çò que podiái.

Fasiam de concèrts, de desfilats, animàvem de seradas, participàvem a las ceremonias oficialas de la comuna e cada dos o tres ans anàvem far un concors organizat per la Confederacion Musicala de França en fòra del departament de Tarn. A la debuta de l’annada 1956, decidiguèrem de far lo procediment per anar al concors departamental de Sèina Maritima a Dieppe al mes de junh d’aquela annada.

Partiguèrem ambe lo traïn d’Albi, aviam logat un vagon de cinquanta plaças e podètz comprene qu’èrem fòrça contents d’anar dins un país desconegut, alara qu’aicí aviam pas fòrça distraccions. Al meu ostal aviam pas de pòste de ràdio e anàvem escotar La Catinou cò d’una vesina. Cantèrem pendent un brave moment puèi la lassièira nos trapèt e nos aconsomiguèrem. Quand nos desrevelhèrem a punta de jorn, e qu’anàvem arribar a Orleans fintàvem lo païsatge ambe nòstres uèlhs enfarinats. Un dels pus vièlhs diguèt : vesi quicòm coma de rastèls plantats sus las teuladas al cap d’un margue, me demandi de qu’es aquò ? Un autre diguèt: devon èsser d’antenas per la ràdio. « Siás caluc », ieu a l’ostal ai pas qu’un fial menut e unenc entre dos piquets dins l’òrt e aquò va plan. Un tresen diguèt : benlèu que los alemands qu’avián requisicionat los ostals, avián besonh d’antenas especialas per parlar ambe Alemanha. Un autre que se voliá pus desgordit, diguèt qu’èra per atraire los colombs viatjaires pendent la guèrra. Fin finala, cadun voliá aver rason e d’unes se carcanhavan.

Benlèu qu’a París quand arribarem qualqu’un o nos dirà. O demandèrem pas, de tan qu’aviam de pensaments per cambiar de gara ambe un autocarri, sens oblidar de mudar los instruments e far sègre tot lo monde.

A Dieppe, lo primièr ser, abans de sopar a l’Ostalariá ont èrem albergats prenguèrem l’aperitiu. Vegèrem ben un aparelh plaçat sus una laissa nauta, mas sabiam pas a qué servissiá. La patrona nos diguèt d’un aire moquet : « Cela est un pòste de television, je vais l’allumer ». Es aquí que los cinquanta calucs vegèron la television pel primièr còp. Èra un reportatge sus una corsa de cavals a París. Vos pòdi pas contar tot çò que se diguèt de tant que lo mond èran estabosits, levat una reflexion de tria facha per un ancian : nautres los vesèm e cal sap se nos veson eles ?

Nos pausèrem una autra question : creses que la television arribarà un jorn a Canhac ?

Cresi que sèm pas prèstes.

Jòrdi Raffanel,
lo 25 de març de 2021

Per acabar en cançon :

Lo grop Artús nos cantan un « Auròst a la cultura»

Auròst a la cultura, occitan (gascon), per lo grop Artús

Conferéncia en linha / Conférence en ligne :

« Langues régionales et accents. Les discriminations oubliées« 
amb Michel Feltin-Palas e Philippe Blanchet

Rencontre Occitane librairie Sauramps

Dijòus 15 d’abrial a 18h
Jeudi 15 avril à 18h

 

Conferéncia en linha / Conférence en ligne :

« Archéologie et praxis du conte occitan« 
Jornada d’estudis – Universitat Paul Valèri Montpelhièr

Divendres 16 d’abrial a partir de 9h
Vendredi 16 avril à partir de 9h
 

Seminari en linha:  Escrituras de femnas occitanas (XIX-XX)
Séminaire en ligne : Écriture de femmes occitanes (XIX-XX)

« Marie Rouanet (1936-…)  : une écriture de l’entre-deux » per Marjolaine Raguin (Radboud Universiteit, Nimègue)

Seccion Occitan – Universitat Tolosa II – Joan Jaurès

Diluns 19 d’abrial a 16h15
Lundi 19 avril à 16h15

Lo duò ThouxAzun de Guillaume Lopez e Clément Rousse vos convida a partejar un balèti novèl en dirècte sus Facebook. Aqueste còp, en triò amb Thierry Roques! « Venetz » dançar?

Le duo ThouxAzun de Guillaume Lopez et Clément Rousse vous invite à partager un nouveau bal en live sur facebook. Ce coup-ci, en trio, avec Thierry Roques! Vous « venez » danser?

Prengam lo temps de nos pausar, de legir, escotar, sentir, una votz femenina e poetica, suava a ne fendasclar totes los plafons de veire… Es Lo Diari n°60, de legir tre ara !  lodiari.com

Se o sètz pas encara, abonatz-vos per sosténer aquela polida revista culturala en occitan !
Si vous ne l’êtes pas déjà, abonnez-vous pour soutenir ce beau magazine culturel en occitan !

Mai d’entresenhas aquí / Plus d’infos ici

La librariá del Centre Occitan Ròcaguda es dobèrta ! Esitetz pas a nos venir veire per trapar de libres, d’accessòris, de CD, de DVD, et. en occitan o en ligam mab la cultura occitana !
Nos podètz contactar per mèl ( centre-occitan-rochegude@orange.fr ) o per telefon (permanéncias telefonicas de 10h-12h / 14h-18h del diluns al divendres, e 10h30-17h30 lo dimècres) per tota comanda. 

Podètz tanben visitar nòstre site internet : centre-occitan-rochegude.org e vos abonar a nòstra pagina facebook : Centre Occitan Rochegude

Nos trapar en linha

S’abonar a la Mandadissa

Daissar un comentari