Alan Sillitoe
La solitud del correire de fons
Revirada occitana de Miquèl Frejabisa

Prètz : 12, 00 €
Size: 21cm x 14,8cm (LxW)

Descripcion

Smith, reclús per bracatge dins una ostal de correccion de l’Essex, es recapi a tota fòrma d’autoritat. Lo director vòl faire d’el un modèl de reabilitacion, e lo buta a ganhar lo prèmi nacional de corsa de fons. L’adolescent se’n vòl tirar a son biais. Per ara, plega, s’entraina amb acarnament. E quora l’ora vendrà, obesirà sonque a sas règlas.

Alan Sillitoe (1928-2010) èra un romancièr, poèta, assagista e dramaturg britanic, conegut per sos racontes onèstes, umoristics e acèrbes de la vida de la classa obrièra. Sillitoe serviguèt quatre ans dins la Royal Air Force e visquèt sièis ans en França e en Espanha, abans de tornar en Anglatèrra. Son primièr roman, Saturday Night and Sunday Morning, foguèt publicat en 1958, seguit d’un recuèlh de novèlas, The Loneliness of the Long-Distance Runner, que remportèt lo prèmi Hawthornden de literatura.
Aquela revirada de la novèla eponima del recuèlh s’impregna del realisme social de la Granda-Bretanha obrièra de l’immediat aprèp-guèrra.

Miquèl Frejabisa es nascut a Montesquiu (82) en 1952. L’animator parla quatre lengas – l’occitan, lo francés, l’anglés e l’alemand – qu’utiliza quora una quora l’autra dins sas activitats divèrsas. Interessat per l’espòrt, s’entrèva mai que mai de rugbi, de corsas e escorregudas. Aprècia las valors esportivas, coratge, tenacitat, solidaritat, convivéncia e, que las supèra totas, lo respècte de la dignitat umana.

Entresenhas :

Autor Alan Sillitoe
Edicion IEO Tarn
Annada 2022
Nombre de paginas 66
ISBN 978-2-95-62409-45
Lenga Occitan (lengadocian / languedocien)

Comentaris

Comentar La solitud del correire de fons – Alan Sillitoe.