ARPO 2017 Poètas Carcin Quercy

ARPO 2017 amb los Poètas de Carcin Bas / ARPO avec les Poètes du Bas Quercy…

/ tant val dire los alentorns de Montalban

Qézaco ARPO? comme on dit en Français… / ARPO , un còp per an fa son Cafè Poesia en Occitan. E amb lo CCOA dempuèi fòrt longtemps…

Apuèi Ives Roqueta, Delpastre, Mistral…. , qual es que sortís de « Carcin Bas??? Daissam la paraula a Ramon Ginolhac:

 Lo primièr evocat serà lo molinièr Joan Castelà (1828 – 1907) ; es l’autor de l’obratge « Mos Farinals ».Sus son ostal de Labejac faguèt marcar : « Aicí visquèt Joan Castelà Lo rimalhaire de bricòla Qu’al tica-taca de la mòla D’escriure volguèt s’esmalhar ».

Presentarem mai longament lo cap mèstre Antonin Perbòsc (1861 – 1944). Sos libres de poesia son coneguts : « Lo Gòt Occitan », « Lo Libre dels Aucèls » e « Lo Segond libre dels Aucèls », « Lo Libre del campèstre ». Es tanben conegut per sos contes, fablèls, mimologismes, per son trabalh per metre al punt la grafia de l’occitan. Loïsà Paulin lo plaçava a la segonda plaça, just après Frederic Mistral. Sus la bibliotèca de Montalban figura l’inscripcion : « Fondator de l’occitanisme / Poèta e reformator de la lenga d’òc / Pedagògue – etnograf – bibliotecari / Majoral del Felibritge »

Doblidarem pas Frederic Cayrou (1879 – 1958), veterinari, òme de teatre, emplegat del circ Buffalo Bill, acrobat, senator… Son òbra d’escrivan occitan es originala e de qualitat ; sos poèmas meritan d’èsser coneguts.

 

Comments are closed.