Dictada Occitana Images Albigés 2017

Dictada Occitana Images Albigés 2017 / Tout en Images, Dictée Occitane du Grand Albigeois 2017

La photo de famille puis l’Article Compte-Rendu de Ramon Ginolhac , le diaporama photos, le lien Dépêche , des gens heureux d’être ensemble e d’avoir fini la Dictée… / ARTICLE de Ramon Ginolhac, passat dins « Lo Jornalet » mas pas dins « La Setmana », mas i a la Fotò. Of! Es fait! E se passèt plan! Onor e felicitacions a totis los benevòls (amb dossart fluò o pas..), als enfants, als mestres, als temps -que ploguèt pas!!- e als medias que fusquèran aimables…..

 

 

Cai-dejos, l’ARTICLE de Ramon Ginolhac, passat dans « Lo Jornalet » mas as dins « La Setmana », mas i a la Fotò.

« Tradicionalament, fasián la dictada lo darrièr dissabte de genièr coma las autras vilas mas èra malaisit d’obténer la participacion dels joves e de lors professors.

En 2016,  avèm decidit de plaçar la dictada lo divendres al vèspre e de prepausar una collaboracion als professors interessats. Avèm recondusit aquel partenariat en 2017 ; la dictada s’es debanada a Albi lo 27 de genièr. An participat Calandreta, las escòlas bilingüas d’Alban, Albi, Puèggozon e Sant Sulpici (al total 100 escolans) e los collègis d’Alban, Albi e Sant Sulpici (88 collegians). En revenga, las autras participacions son mendras : 1 licean e 19 adultes.

Tèma causit : los contes de Joan Bodon. Lo tèxte dictat èra tirat de La Montanha negra. Una exposicion es estada realizada amb la participacion de classas e d’artistas amics e après la correccion collectiva del trabalh dels escolans e dels collegians, Jiròni Vialaret, president de l’Ostal Joan Bodon de Crespin a contat L’Aucèl blu. En seguida, un pichon vespertin, de cançons e la remesa dels prèmis a las classas an regaudit cadun. Enfin, siaguèt la remesa dels prèmis individuals als adultes. L’organizacion èra plan cadrada : o cal far tot en doas oras per mancar pas los autocarris del recampatge escolar.

Aquel recampament s’es debanat integralament en lenga nòstra ; es un eveniment intergeneracional que porgís una bona visibilitat a l’occitan. Lo Centre Cultural Occitan d’Albigés merceja los professors, los caps d’establiments, la conselhièra pedagogica, la referenta de la comuna d’Albi e totes los qu’an portat pèira a sa capitada. En esperant que poirem tornar començar las annadas venentas. »

Article de Miquèl Frejabisa : http://www.ladepeche.fr/article/2017/02/01/2508494-tornade-jeunes-sur-la-dictada.html

Miquèl, Leslie -al mièg-  e Dòna Bascoul-Vialard, referenta occitan de la Municipalitat d’Albi.

http://www.ladepeche.fr/article/2017/02/04/2510767-leslie-fink-etudiante-americaine-apprend-l-occitan.html

Alban a la Dictada

Comments are closed.