La Basse Vallée de l’Aveyron / Passejada dins la bassa val de la ribièra Avairon lo 14 de Mai de 2017
Al COR, èra la darrièra sortida de la sason 2016 – 2017. Se la matinada foguèt un pauc freja, per la prangièra avèm agut un bèl solelh que nos a calfat còs e còr.
Un còp de mai, lo Miquèl T. nos a fach un bèl trabalh de recèrca (de luòcs, de cançons, de tèxtes istorics, de comentaris e de qué te sabi encara) e s’es encargat a el tot sol e coma de costuma, de l’ animacion dins l’ autobús. / Le livret est en vente à la demande au Centre Occitan Rochegude. / Diaporama en fin d’article.
Varen es un pichon e polit vilatjòt de Tarn e Garona. Es sustot conegut per sa glèisa romana del sègle XI que es particularament nauta per un edifici roman (cal dire que sas ancolas (arcs-boutants) son impressionants).
L’ Abadiá ND de Bellòc / Beaulieu en Rouergue/ es una anciana abadiá cisterciana del sègle XII edificada dins un escrinh de verdura. La clastra foguèt demolida en 1562. Ne demòran que la glèisa, bèla e nuda, e qualques bastiments. L’ abadiá es ara un centre d’ art contemporanèu e i avèm trobat una mòstra de tablèus en coire, e dins lo celièr, d’ òbras de l’ artiste Fred Deux, fòrça originalas.
Sant Antònin « una vila del passat prestigiós que conten lo pus ancian Ostal de Vila de França, del sègle XII » (Wikipedia). L’ avèm plan remirat e nos sèm passejats dins d’ andronas vièlhas de mai de uèit cents ans. E es aquí qu’ avèm dinnat, e fòrt plan.
Pichòta anecdòta : nòstra ostessa del restaurant èra una mèstra femna, pr’ aquò fòrça agradiva, mas aviam l’ impression qu’ èra ela, e non pas los clients, que comandava. Ma vesina de taula m’ aviá dich en mai qu’ aviá demandat, a l’ acuèlh, ont manjariam, e òm li a respondut « Ah, seretz dins la granda sala, amb l’ Adjudanta ».
Pena vertadièr niu d’ agla, foguèt pasmens pres mantun còp. Lo castèl es ja mencionat en 825.
Una persona locala plan coneguda dels estatjants : Joan Viguièr, qu’ a daissat una traça jol nom de « Le Terr…ible de Penne » (en fach,i a 19 ‘r’ per explicar qu’ èra un republican del sègleXIX). Geomètra de mestièr, a decidit, a un moment donat, de pas pus se rasar ni de se far copar lo pel duscas a sa mòrt. Volent suprimir totas las misèrias del monde, mèna una lucha contra totes las institucions e la justícia. Se presenta a d’ eleccions, las manca totas (s’ es presentat contra Joan Jaurés a Caramauç en 1896). Va a París per i portar sas idèas mas es internat a Santa Anna (l’ equivalent del Bon Salvaire) puèi es remandat dins son vilatge. Viu coma un marginal, demòra dins la sala de garda del castèl ont i morís a 71 ans, en 1911.
Vaur / Vaour /, la comandariá dels templièrs : fondada en 1140 en seguida d’ una donacion dels
Cavalièrs de Pena. Bastida sus un suquet, òm i a trobat un caladatge de regòla, çò que fa pensar que s’ agissiá d’ un ancian luòc vodat al culte de l’ aiga. Ne demòran d’ uèi qu’ una granja bèla e qualquas grandas muralhas de la comandariá.
[slideshow_deploy id=’8190’]
Rescontra occitana sul camin: Ramon Jordan, Vescomte de St Antonin, la FIN ‘ AMOR / L’amor courtois / Cantava la femna del senhor de Pena d’Albigés…. , Ramon risquèt a la guèrra.. e la Dòna se n’ anguèt als Patarins / hérétiques / mas Ramon se reviscolèt….
« Mudarai pas non diga mon vejaire de çò dont ai al còr granda major,
e m’es penòs e mai grèu de retraire d’aquelis antics trobadors
dont me cal dire que son grands pecaires e qu’an mes lo sègle en error.
Dabans totis, mal de Dònas an dit…… » (Adatacion de Leon Còrdas)
« Je ne partirai pas sans dire quel tort ont fait en ce siècle ceux qui ont dit du mal des Dames. Plusieurs étaient bons Trouvadours et se disaient amants loyaux.