Dempuèi que l’anja nos crida / Depuis que l’ange nos appelle. Ecoutez-les…
Un des Nadalets chanté par l’atelier de chant du Centre Occitan Rochegude. Ne sont chantés que 7 couplets sur 12. Le rythme est vif, ils vont à la crèche. A remarquer « Dieu vient sur terre pour chasser le démon… » / Un dels Nadalets cantat pel talhièr de cant del COR. 12 coplets. Aicì ne cantan pas que 7, sus un aire del ritme viu, per marchar vite vite. Perqué s’en vau « a Betelèm » pardì! De remarcar: « Diu ven sus tèrra per caçar lo demon… ». / Un des Nadalets chanté par l’atelier de chant du Centre Occitan Rochegude. Ne sont chantés que 7 couplets sur 12. Le rythme est vif, ils vont à la crèche. A remarquer « Dieu vient sur terre pour chasser le démon… » Tirat del Manescrit 59 de l’Amiral de Ròcaguda
Dempuèi que l’anja nos crida
Despèi que l’anja nos crida
Cinc o sièis pastres que sèm
Sans diferar mai volèm
Anar totes en partida,
Sans diferar mai volèm
Anar totes en Betlèm.
Corregam donc a grands passes,
Quitem aquestes cantons ;
Fasguem lèu, destrigem nos,
Sautem valats e bartasses :
Fasguem lèu, destrigem nos,
Anem no’n de dos en dos.
Dins los fèrs e las cadenas
Nos aviá mes lo demon:
Mès lo dius que ven d’amont
Nos tira de nòstras penas,
Mès lo dius que ven d’amont
Nos defend a lo besonh .
Lo dius que lo cèl envòia
Ven per tampar los infèrs,
Bresar cadenas e fèrs,
Ramplír lo monde de jòia,
Bresar cadenas e fèrs,
Rejoïr tot l’univèrs.
Que que lo monde nos diga,
Joan, non nos arrestem pas ;
Doblem vitament lo pas,
Que Bertomieu nos seguiga ;
Doblem vitament lo pas
En clapant de nòstras mans.
Ara que sèm dins l’estable
Joan, tu que siás l’escolièr
Te cal parlar lo permièr,
Tu que siás lo pus capable
Te cal parlar lo permièr
Sans cap d’autra ceremoniè.
Remplits de reconeissença
A vos sol, tantes que sèm,
Mon dius nos autres venèm
Ambe tota diligença,
Mon dius nos autres venèm
Vos ofrir tot çò qu’avèm .