Sortida al país del Drac

Sortida al país del Drac

Lo Centre Cultural Occitan de l’Albigés e l’associacion Breuil-Mazicou vos prepausan una sortida al pais del Drac, sus las traças de Joan Bodon, la jornada del dissabte 5 de julhet.

Entre lo riu de Porcassés fins al pòrt de la Besse, se passejarem e legirem de contes de l’autor, al luòc ont se debanan, puèi acabarem la jornada a l’Ostal Bodon de Crespinh.

Lo matin, caminarem lo long de Viaur, de La Calquièra al Porcassés. Anarem dins lo pais de jos la tèrra, lo pais del drac (cal aver de bons solièrs per plantar los talons dins lo travèrs e un lum) Per los que se sentisson pas de dintrar dins lo pais de jos la tèrra, farem de lecturas de contes.

Puèi, manjarem al vilatge de la Ribièra (dins un luòc agradiu al mièg del vilatge) e cadun portarà son manjar (es encara conselhat de pas partejar lo repais, partejarem solament la fogassa e lo vin blanc a la fin).

Las lecturas de contes contunharàn fins a Crespinh. Visitarem l’Ostal Bodon, lo musèu dedicat a l’escrivan roergàs.

Mercés de vos marcar a aquela sortida al pus lèu, en contactant lo COR :

0563462143 // centre-occitan-rochegude@orange.fr

Daissar un comentari

3 × one =