ART TEXTIL: Los mocadors / Les mouchoirs Albi 81

  • Post author:
  • Post category:Non classé

DentèlaLa beauté de sculptures nées de mouchoirs….. et un survol de la petite histoire des mouchoirs… avant l’ère du jetable. 24 oeuvres originales. clic sur photo.

 Art textil, “patchwork”, mòde d’expression qu’utiliza de teissuts e d’objèctes divèrses o de matèrias qu’an jamai servit. Tèmas, Mocadors Estrenaformas, colors, tecnicas, es una creacion sens fin..

¤

¤

Per festejar lors vint ans, « La Courtepointe » passeja 24 realizacions estonantas, a basa de mocadors. Cada participanta presenta una òbra originala, segon son idèia, son biais de far, sas intencions creatriças . clic sur photo

¤

En prime, la “Petite histoire du mouchoir” Pichona istòria del mocador

Al començament, i a agut lo mocador d’Adam, encara apelat « mocador de cinc ponchas » (à cinq pointes = les 5 doigts). Se compren plan qu’al paradís terrèstre, tot nud, Adam aviá pas cap de pòcha per metre un mocador vertadièr, brodat de son iniciala. Quitament, a l’epòca, i aviá pas de petaç ni de papièr, pas lo mendre clinèx. E las fuèlhas de vinha avián una autra foncion. (Adam, tout nu, pas de poches pour le mouchoir)

Puèi los òmes se vestiguèron, inventèron lo mocador e la pòcha permocador carrèus l’estremar. Atal cada òme aviá son mocador, un grand carrat a carrèus, (chaque homme avait un grand mouchoir à carreaux) que servissiá per ramassar de pomas o de castanhas a la broa del camin, o tanplan per portar un mocadorat de cèps a la sason. Demorava totjorn dos dets d’una man per se mocar. clic photo.

Las femnas, pus delicatas, avián un pichon mocador de seda (soie) enrodat de dentèla amagat dins la marga. Avián tanben un mocador de còl, pèça d’estòfa sus las espatlas, e las que portavan pas un capèl, un mocador de cap. Pareis que d’unas dònas daissavan tombar lor mocador als pès d’un òme. Aquel lo ramassava e la conversacion podiá s’engajar.

Ara, òmes e femnas utilizan un mocanàs de papièr dich « mocador d’escampar ».

En seguida, lexica

MOCADORS

Mocador de nas, mocanàs : linge per se mocar.

 Mocador d’Adam, mocador de las cinc ponchas : la man utilizada per se mocar.

 Mocador de cap : pèça d’estòfa sul cap.

 Mocador de còl : carrat d’estòfa sus las espatlas o al torn del còl.

 Mocador d’escampar : mocador de papièr.

 NOMS DERIVATS

 Mocadorat : mocador plen de pomas, de castanhas, de ceps…

 Mocada, mochal : còp sul nas.

 Mocandièr : trufaire.

 Mocarèla : vexacion.

 Moquet : vergonhós.

 DICHAS

 Far un nos al mocador.

 O meti dins la pòcha amb lo mocador dessús.

 Aquel monsuròt se moca pas amb la marga !

 A un òrt bèl coma un mocador.

 Li demòra pas qu’un mocador per plorar.

 PROVÈRBIS

 Aquò’s drech coma mon bras quand me moqui.

 Cal saupre pèrdre un mocador per ganhar un lençòl.

 Cal saupre copar un mocador per obténer una òbra d’art.