« Sièm un pòble viu » / « Nous sommes un peuple vivant » / L’IEO12 fasia rampelada dempuèi mai d’un an sens saupre que la Carta seria pas ratificada (Promessa 56 del candidat F.Hollande) e que la plaça de l’Occitan dins l’ensenhament seria reducida a tres còps res (Art. L. 312-11). / IEO12 apelait à manifester depuis un an sans savoir que les promesses (Charte et loi) de la campagne présidentielle ne seraient pas tenues. « Occitan Pride » / Nous sommes fiers de notre langue, de notre culture, nous voulons les garder./ I sièm montats. De Tarn se monta aisidament a Rodés e sièm totis mai o mens ligats als « Ventres Negres ». (= Rouergat = Aveyronais).  Per un 20 d’Abrial, un +7° al melhor dins lo vent…. Dirèm çò qu’avèm vist tant val dire pas tot…

Lo matin, la messa a la catedrala, èran 300, Renat Jurie i cantava!. Puèi los tripons, de contunh.. del temps que lo monde arribavan a la Sala de las Festas. Los estands: los farçons…, los editors: IEO12, IEO-Lengadòc, Letras d’Oc, Vent Terral, Lo Clusèl;  Calandreta e l’escòla bilinga; Macarel plan segur e d’autres nombroses que n’avèm pas pres los noms…, e las monecas lo Petasson, lo Comte e Jaurès de Tolosa e lo vinhairon de Marcilhac, las bestias, Odeta Mac d’Oc…. / Messe en occitan, tripons, stands s’installent à la Salle des Fêtes, à 14h. cest le départ de la manif.

Oc, avèm fait lo torn de vila. Oc, « en occitan parlat de cada jorn ».  Oc, avèm cantat amb los de Marcilhac e « Visca lo Saumancés!! » (bèure lo vin de Marcillac per comprene)….  / Nous avons fait le tour de ville en occitan et en chantant avec les vignerons de Marcillac.

Puèi sièm tornats a l’ostal apuèi la presa de paraula del comitat: Durand, Blemet (Calandretas), Pau de Bòni, Mr Giberjes (Conseiller général). Diguèron:  » Qu’èrem de 2000 a 2500, qu’avian preparat lor afar tot l’an dins la dinamica de la manif de Tolosa 2012 e de las Assisas per la lenga faitas amb lo Conselh General d’Avairon e totas las associacions e tant fructuosas e que se durbiguèron per faire bolegar tot un pòble per servar tot çò que fa un pòble viu: lenga, cultura, activitats… e que passèran aital tot lo paìs. »  Un exemple? Non? / Ils dirent: Nous sommes de 2000 à 2500, nous avons préparé cette manifestation depuis Toulouse 2012. Elle est dans la dynamique des Assises pour la langue qui furent si réussies, faites avec Le Conseil Général Aveyron et toutes les associations. « Fier de sa culture Avairon défend sa langue »

[slideshow_deploy id=’2161’]