Escorreguda pels camins dimenge 15 de julhet / Les chemins du Patrimoine
La comuna de Sant Juèri, ambe l’ajuda de Sant-Juéry patrimoine, de l’Ostal d’Animacion Lo Capial e del Centre Cultural Occitan de l’Albigés (CCOA) vos prepausan una sortida a la descobèrta dels ancians camins entre Sant Juèri e Los Avalats lo dimenge 15 de julhet. Despart a 8 oras e mièja davant la glèisa dels Avalats, aperitiu cap a 11 oras e mièja dins la cort de la bòria de Conte puèi retorn als Avalats per la Còsta del Castèl. /
Sortie proposée par la mairie de St Juéry, avec le concours de Saint-Juéry patrimoine, de la Maison d’Animation lo Capial et du Centre Culturel Occitan de l’Albigeois. Dimanche 15 juillet, départ 8h30 devant l’église des Avalats – apéritif vers 11h 30 dans la cour de la ferme de Conte puis retour aux Avalats par la Còsta del Castèl.
La tòca serà de retrobar çò que demòra dels 
ancians camins que malhavan lo paisatge a la debuta del sègle XIX, e d’imaginar, al delhà dels camins, tot l’environament ancian, material (bastit) e immaterial (toponimia), abans que la revolucion industriala venguèsse pertorbar tot ambe l’urbanizacion e lo camin de fèrre. /Le but sera de retrouver ce qu’il reste des anciens chemins qui maillaient le paysage au début du XIXème siècle, et d’imaginer, au delà des chemins, tout l’environnement ancien, matériel (bâti) et immatériel (toponymie), avant que la révolution industrielle ne vienne tout perturber (urbanisation et chemin de fer).
Foto : lo camin de Garina (anciana limita de la comuna dels Avalats).
A l’epòca gaireben totes 
los escambis ambe Sant Juèri se fasián pel platèu, un simple camin de riba religava los molins de Sant Juèri e dels Avalats (foto).
Un libret ambe de cartas e de documents serà disponible (pichona participacion als fraisses). Los comentaris seràn per un tèrç en occitan (toponimia obliga !) e dos tèrces en francés. / Un livret avec cartes et documents sera disponible (petite participation aux frais). les commentaires seront donnés pour 1/3 en occitan (toponymie oblige !) et 2/3 en français.
Venètz nombroses !
Foto : bastiment en roïnas a l’emplaçament del « castèl fantauma », entre los dos camins de Vilafranca (en rèireplan la bòria de Conte)