Tot pichòt rendut-comptes… / Tout petit compte-rendu
sus las activitats de Setembre-Octobre
Lo COR e los libres
Per faire de libres, cal un autor e un editor, puèi cal faire connèisser lo libre, puèi cal de monde per crompar…
Aquí Ramon qu’es un « tot-en-un », escriu e fa la promocion….
tant al Salon del Libre coma al Centre Occitan Ròcaguda.
Son vengudas aimablament…. las 4 escrivanas o qu’an escrit – perque son modestas- en Occitan. E caduna legiguèt un tròç de sas escrituras. Cecilía nos fasquèt un festenal e Evalina ? e ben, cantèt, pardi!
Lo Teatre a Sant Juèri
Fusquèt una reüssita… « capitada » en Occitan blos.
Un sol regret…. Renat Cuq s’arresta de jogar, a sas rasons. Renat, consi te dire que te mercejam per tot, que siás un actor de primièra e que t’aimam… 
Òc, lo public era pas « jove ». Ba sabèm dejà. I tornam, sus aquel sicut, a prepaus de la manif de Besièrs.
La Manifestacion a Montpelhièr
Òc, i sèm anats…. Aimat, Regina, Miquèl e Miquèl, Eric, Gérard, Sèrgi e Sèrgi, Ramon, Claudeta de Carmauç e d’autres…. Avèm vist Dòna Gerbal-Medalle e Anhès de la Calandreta e Pèire Thouy e Monsur Vernhièras….
I avia pas tant de monde coma lo còp passat, a causa que las associacions se son enguladas (per cambiar…) e, atanben, a causa de l’ambient politic que dirèm « tremol » e anxiogène. Per contre, d’enfants pertot, amb los parents…. Marchavèm sus las Calendretas. Es aquí l’avenidor. Avèm rason de manifestar per las escòlas, que siaguèssan publicas o privadas.
ARDIT MAINATS! Los joves dabans, los vièlhs darrèr!