Perqué revirar en occitan? Quinas òbras revirar? Per quin public? Quinas dificultats? Sèrgi Carles, reviraire de tria, escambiarà sus son experiéncia de reviraire lo dissabte 18 de marces a 17h al Centre Occitan Rochegude (28 carrièra Rochegude – Albi).
Fòrt d’una experiéncia rica de regent e de conselhièr pedagogic d’occitan, reviraire de nombroses manuals per l’ensenhament en occitan dins l’Educacion Nacionala e de libres joventut, Sèrgi Carles a entreprés un trabalh de traduccion literària : Una cadena de voses (A Chain of Voices d’André Brink), La vida de Lazarillo de Tormes, Divendres o la vida salvatja (Vendredi ou la vie sauvage, Michel Tournier), Los sants innocents (Los santos inocentes, Miguel Delibes).
Nos parlarà tanben de sa darrièra publicacion, Istòria d’un sauvatjòt – je suis cet enfant, raconte autobiografic de l’enfància de l’autor, en Avairon al mièg del sègle 20, contat a nautor de dròlle: de sovenirs de la vida vidanta, de l’ostal familial, dels vesins, del monde de l’escòla, de las jòias e de las penas, dels primièrs dramas, lo tot entre doas lengas, l’occitan (lo « patés ») e lo francés.