Aquí lo programa.

A partir de 17 oras 1/2
Los benevòls del CCOA quilharàn lo lenhièr e los Conservatòris de musica de Tarn e d’Avairon, menats per Antoine Charpentier, animaràn la plaça Santa Ceselha. A la fin, los enfants de las escòlas Calandreta e Ròcaguda despausaràn, altorn del lenhièr, de pichons fagòts de sirments qu’auràn preparats a l’avança.
18 oras
Sera lo moment de la ressèga : los enfants de las escòlas, acompanhats pels Conservatòris de musica de Tarn e d’Avairon, desfilaràn en musica dins las carrièras pedonas del Vièlh Albi.
18 oras 1/2
Lo grope Albigés BrindAir Òc fara dançar los pichons e los bèls sus la plaça Santa Ceselha.
A 19 oras 1/2
Sera l’ora del repais. Sus la plaça de la Pila, dabans l’Ofici de Torisme, i aura lo mercat de nuèch ont se poirá manjar.
21 oras
Un grope de quatre femnas joves, Peldrut, vos farà ausir de composicions originalas e de cançons tradicionalas occitanas modernisadas.
22 oras 15
Lo passacarrièra menarà, del Vigan a la plaça Santa Ceselha, los cònsols ( que son los conselhièrs de la comuna) e los enfants de las escòlas amb las entòrcas, acompanhats pels Sonaires d’òc.
22 oras 35
Çò melhor : l’abrandament del lenhièr amb las entòrcas edels dròlles e la farandola altorn del fuòc.

Per acabar la serada : lo balèti tradicional menat per BrindAir Òc.