Archius del mot clau albi

Cafè de las lengas a la Brasserie du Parc

Volètz descobrir, escotar, parlar la lenga occitana, dins un encastre convivial ?! Es possible !
L’associacion Albi occitana (A-OC) e lo Centre Occitan Rochegude – Centre Cultural Occitan d’Albigés (CCOA) vos prepausan un Cafè de las lengas occitan-francés a l’Hôtel-Brasserie Du Parc, Albi (3 Avenguda del Pargue, Albi) lo tresen diluns de cada mes.
L’escasença perfiècha d’ausir e practicar l’occitan, e de partejar un moment a l’entorn d’un veire !

Presentacion del libre « Louisa Paulin : Journal 1930 – 1936 »

Cercaire independant, Gregory Coston, vendrà presentar son primièr obratge consacrat a las recercas que menèt demest los manuscrichs de Loisa Paulin. A l’entorn del jornal intime tengut per la poëtessa entre 1930 et 1936, a Albi e Realmont, l’accent serà portat sus la redescobèrta de son pais natal e de la lenga d’oc. Amb l’ajuda de Bernard Vernhèras, la presentacion serà acompanhada de lecturas en francés e en occitan.